كتبت : صبا أحمد
نحيي هذه الأيام الذكرى الـ27 لرحيل عبقري النغم المصري بليغ حمدي، الذي كان مثل الشهب شق صدر سماء اللحن المصري والعربي بثقة فأحدث الدهشة وأدرك الذهول عقول المطربين والملحنين على السواء من فرط عبقرية موسيقاه التى تخاطب الروح، وتأثر الوجدان فتترى لها المشاعر الدافئة وتتوق لها النفوس المعذبة في دنيا الهوى والغرام، وتهتز لها الأبدان المفتونة بعشق تراب الوطن، وبمفعول السحر تسرى جمله اللحنية في عروق البسطاء نابضة بدماء الحرية فتغلى مثل بركان هادر يدفع نحو حافة خلاص النفوس من الظلم والاستبداد.
هو سهم نافذ في قلب مواطن الشجن العربي استطاع أن يخترق جوهر المشاعر المصرية في سهولة ويسر ليصبح الفاتح الأكبر لصناعة اللحن الشجى على مصراعيه وبأقصى درجات التحرر الكامل من أيّ قيد يَحُول بينه وبين التّحليق في سماء الفن الذي عشقه منذ أن فتح عينه على الدُّنيا.
وهو في سنوات الغربة القاسية كتب ولحن وغنى بليغ حمدي أربع أغنيات وأرسلها لصديق المنتج سيد نصر صاحب شركة (فلفل فون) الذي طرحها عام 1989 من خلال شريط كاسيت حمل عنوان (رسالة من الغربة)، وكانت هذه الأغنيات صرخة بليغ التى لم يفهمها أحد!، ولم تصل لمستحقيها، ولم يشعر أحد بهذا الألبوم، يجوز لأن شركة (فلفل فون) كانت شركة فقيرة، ولم تروج للألبوم جيدا، رغم أن الألبوم كان يمثل عودة لبليغ حمدي للغناء بعد سنوات طويلة من الانقطاع، حيث بدأ مشواره بالغناء، ومع نهاية الخمسينات تفرغ للتلحين وترك الغناء على المسرح أو من خلال الأسطوانات.
لكن هذه الأغنيات نفسها ومع ثورة التكنولوجيا الحديثة والإنترنت، حققت نجاحا كبيرا، وبدأ الجميع يتناقلونها على أنها أغنيات نادرة!.
كلمات الأغنيات الأربعة التى لحنها وكتبها وغناها بليغ حمدي:
زي الزمن
زي الزمن طبعه الخيانة
زي الزمن خان الأمانة
وقالوا قالوا قالوا
أهل زمان ياما قالوا
بالأمثال علي خانوا
من له ثمن لا يؤتمن
صدق الزمان وأهل زمان
وهو دى اللي كان
زي الزمن يسرق ربيعك
زي الزمن تدبل يبيعك
يرميك وينسى انت مين
ويدوس على عشرة سنين
ولا له دموع لو حب يوم يبكي يلاقيها
ولا له في حلال ولا فحرام دي حاجات نسيها
ولا له ذكريات تعتز بيه ويعتز بيها
دا زي الزمن من الرحمه خالي
زي الزمن ما لوهش غالي
وقالوا قالوا قالوا
أهل زمان ياما قالوا
بالأمثال علي خانوا
من له ثمن لا يؤتمن
صدق الزمان وأهل زمان
وهو دى اللي كان
……………………………………………
وحشتيني يا مصر
رغم البعد عنك، عمرى ما انسى انك
أمى و أنى ابنك، وكلى حته منك
أنا زهرة من ولادك، أنا منك من ترابك
أنا شوق تايه فى الغربة بيغنى فى إنتصارك
غنوة فيها بقولك وحشتينى يا مصر
رغم البعد عنك لو قالى حد إسمك
لو جابلى حد سيرتك بتملى عينيا صورتك
أحضن برموشى ترابك وأنسى فى الحلم غيابك
أنا شوق تايه فى الغربة بيغنى فى إنتصارك
غنوة فيها بقولك وحشتينى يا مصر
رغم البعد عنك شايلة والله همك
عمرى شموع تقيدلك وبروح روحى أضمك
أنا شوق سهران ليلاتى ملهاش معنى حياتى
ولا طعم فى ليل الغربة ولا صوت غير صوت آهاتى
لما أسمعها بتقولك وحشتينى يا مصر
……………………………………………
سكوت وعذاب
جم سألوني عنك يا عيوني
وعن احوالك وع اللي جرالك
رد عليهم دمع عيوني
سكوته عذاب، كلامه عذاب
وجوده عذاب
مين في زمانه عاش احزانه
وانا قلبي حبابي ظلموني
جم سألوني جم
جم سألوني ما سألشي علينا
قلت ياريته بس لاقيته
ناسي جرحه بيفكر فينا
سألني سؤال وتاني سؤال
وقاللي سؤال عن احوالنا واللي جالنا
من امتي بنجرح بعضينا
جم سألوني جم، عنك يا عيونك
وعن عنوانك والا مكانك
قلت عيوني نايم في عيوني
دموعي غطاه، حناني دواه
وحبي دفاه، ادي مكانه وادي عنوانه
وياريتكوا ما كنتوا سألتوني
جم سألوني، راح يرجع لينا؟
قولت ياريته يرجع ليكوا
وبشوقه يجي يدفينا
صبانا معاه، شبابنا معاه
وبكره معاه، كان ويانا ولسه معانا
ولا عمر الغربه تنسينا
……………………………………………
طالت الغربة
ميل يا هوا وإرمى السلام
على القمرللسهارى ومسي
ميل ع العيون وأقرأ الكلام
ده البعاد بينسي
يا هوا هتعدي ولا لسه برضوا ناسينا
ولا ضاع عنوانا منك واتناست أسماينا
يا هوى اشتقنا والله للهوى ما تجينا
البعاد بينسي والدنيا تلاهي
يا هوا ما تمسي ولا تعملش ساهي
طالت الرحلة واحنا يا هوا فاض بينا
باقي من الرحلة قدايه قولينا
يا هوا لو جتنا بكره راح تلاقينا
اما بعده مش هتلاقي منا غير أسامينا
يا هوا اشتقنا والله للهوى ما تجينا
يا هوا إنسانا بكره وإفتكرنا الليلة
ده إحنا رحلة مهما طالت كلها كام ليلة
يا هوا اشتقنا والله والله فوق ما تتخيل والله
البعاد بينسي والدنيا تلاهي.