رئيس مجلس الادارة : محمد حبوشة
رئيس التحرير : أحمد السماحي

أجمل أغنيات نصر أكتوبر بأصوات الكبار

السادات .. صاحب قرار العبور
سعاد حسني

كتبت : سما أحمد

عندما اندلعت شرارة حرب أكتوبر 1973 لم يتخلف عن التعبير بالكلمة شاعر، ولا تمهل عن التعبير بالنغمة ملحن، فمنذ بدأت معركة التحرير وستديوهات الإذاعة في مصر ساحات يتنازعها الشعراء الغنائيون والملحنون والمطربون، فعندما تأكد النصر سارع كل مطربي وملحني وشعراء مصر إلى الإذاعة المصرية يقدمون إنتاجهم الغنائي، فتم فى أسابيع قليلة تقديم ما يقارب من الـ 80 أغنية لنصر أكتوبر العظيم، ومنذ سنوات قامت شركة (صوت القاهرة للصوتيات والمرئيات) بطبع 10 أغنيات من بين هذه الأغنيات وهى (رايات النصر) كلمات نبيلة قنديل، لحن علي إسماعيل، غناء المجموعة، (على الربابة بغني) كلمات عبدالرحيم منصور، لحن بليغ حمدي، غناء ورده، (بسم الله، الله أكبر) كلمات عبدالفتاح مصطفى، ألحان بليغ حمدي، غناء المجموعة، (عبرنا الهزيمة يا مصر يا عظيمة) كلمات عبدالرحيم منصور، ألحان بليغ حمدي، غناء شادية،(سمينا وعدينا) كلمات علية الجعار، ألحان عبد العظيم محمد، غناء شهرزاد،(دولا مين ودولا مين) كلمات أحمد فؤاد نجم، ألحان كمال الطويل، (حقك معاك) كلمات الشاعر محمد كمال بدر وألحان عبدالعظيم محمد، غناء المجموعة ويقول مطلعها :

يا خويا ياللي مدفعك بيدوي

 حقك معاك، والحق صوته يقوي

أهلك وراك من قلبهم وبكل شدة حبهم

بيقولوا يرعاك ربنا.

ياللي هتاخد حقنا

ومن أجمل أغنيات المجموعة نذكر أيضا رائعتهم “يا غنوة مصر على الجبهة” كلمات الشاعر “محسن الخياط”، وألحان “علي إسماعيل” والتى تقول:

” يا غنوة مصر

على الجبهة بحييكم

 وأحيي مصر في عنيكم

وأحط إيديا فى إيديكم

 يا أحلى فجر فى عنينا

 يا كلمتنا / يا بسمتنا / يا فرحتنا

يا أعلامنا اللي بيرفرف

على سينا / يا خطوتنا

فى طريق النصر

جاء غلاف الألبوم عبارة عن لوحة تشكيلية لجنودنا فى المعركة دون وجود أي صور للمطربين الذين يغنون الأغنيات.

وردة

………………………………………………………..

أشهر أغنيات النصر التى طرحتها شركة صوت القاهرة:

أنا على الربابة بغني

عبدالرحيم منصور/ بليغ حمدي/ وردة

حلوة بلادى السمرة، بلادي الحرة

وأناعلى الربابه بغني م املكش غير

إني أغني وأقول، تعيشي يا مصر

غنوه أمل للجنود

أمل للنصرليكي يا مصر

حلوة بلادى السمرة بلادي الحرة

أغني وأبارك، كل خطوة

تعدّي، تعدّي، ع الـطريق الصعب

تحيا مصر

وأنا على الربابه بغني، وبغنّي

غنوة الحرّية، قول معايا يا شـعب

تحيا مصر

حلوة بلادى السمرة بلادي الحرة

وأنا على الربابه بـغـني، يا عــاشق ومغني

وإيه هكون، جنب عشاقك

يامصر، واناعلى الربابة بغني

وأنت اللى مبتنسيش، شهيد اتصدر

بدمّه ع التراب الحُر، فداكي يامصر

حلوة بلادى السمرة، بلادي الحرة

بلادي السمرة بلادى

………………………………………………………..

بسم الله

عبدالفتاح مصطفى / بليغ حمدي / المجموعة

بسم الله… الله أكبر بسم الله بسم الله

بسم الله… أذن وكبر بسم الله بسم الله

نصرة لبلدنا بسم الله بسم الله

بإدين ولدنا بسم الله بسم الله

وأدان على المدنى بسم الله بسم الله

بيحى جهدنا بسم الله بسم الله

الله أكبر أذن وكبر

وقول يارب النصرة تكبر

بسم الله… الله أكبر بسم الله بسم الله

بكفحنا يا مصر بسم الله بسم الله

تاريخ النصر بسم الله بسم الله

جنود الشعب بسم الله بسم الله

بتخطى الصعب بسم الله بسم الله

الله أكبر أذن وكبر

وقول يارب النصرة تكبر

بسم الله… الله أكبر بسم الله بسم الله

سينا يا سينا بسم الله بسم الله

أدينا عدينا بسم الله بسم الله

ماقدروا علينا بسم الله بسم الله

جنود أعدينا بسم الله بسم الله

الله أكبر أذن وكبر، الله أكبر أذن وكبر

وقول يارب النصرة تكبر

شهرزاد

………………………………………………………..

سمينا وعدينا

علية الجعار/ عبد العظيم محمد/ شهرزاد

جمعنا كل قوتنا، وساندتنا عروبتنا

وسمينا وعدينا وإيد المولى ساعدتنا

وسمينا وعدينا وشقينا طريق النصر

وإيد المولى ساعدتنا ورجعنا ابتسامة مصر

شقينا طريق النصر، ورجعنا ابتسامة مصر

خيوط الفجر بتنور وكل الشعب بيكبر

و في رمضان وبالإيمان أراضينا بتتحرر

و سمينا وعدينا وشقينا طريق النصر

و إيد المولى ساعدتنا ورجعنا ابتسامة مصر

و شقينا طريق النصر ورجعنا ابتسامة مصر

عبد الحليم

………………………………………………………..

عاش اللي قال

محمد حمزه / بليغ حمدي / عبدالحليم حافظ

عاش اللى قال الكلمة، بحكمة وفي الوقت المناسب

عاش اللى قال لازم، نرجع ارضنا من كل غاصب

عاش العرب اللى فى ليلة، اصبحوا ملايين تحارب

عاش اللى قال للرجال عدوا القنال

عاش اللى حول، صبرنا حرب ونضال

عاش اللى قال، يا مصرنا مافيش محال

عاش ليكي ابنك، عاش اللى حبك

رد اعتبارك خلى نهارك أحلى نهار

شادية

………………………………………………………..

عبرنا الهزيمة

عبدالرحيم منصور/ بليغ حمدي / شادية

عبرنا الهزيمة يا مصر يا عظيمة

باسمك يا بلادى تشتد العزيمة

باسمك يا بلادى عدينا القنال

باسمك يا بلادى خطينا المحال

باسمك يا حبيبتى، مصر يا حبيبتى

أمى يا حبيبتى، خطينا المحال

باسمك يا حبيبتى هأسمى الحرية

باسمك يا حبيبتى هأسمى النضال

هأسمى الشجاعة وأسمى الآمال

باسمك يا حبيبتى، مصر يا حبيبتى

أمى يا حبيبتى، خطينا المحال

عبرنا الهزيمة يا مصر يا عظيمة

باسمك يا بلادى تشتد العزيمة

باسمك يا بلادى عدينا القنال

باسمك يا بلادى خطينا المحال

باسمك يا حبيبتى، مصر يا حبيبتى

امى يا حبيبتى، خطينا المحال

ناديتى يا حبيبتى لبينا الندا

أمرتى يا حبيبتى ردينا على العدا

طلبتى وقلنا امرك كلنا فدا

باسمك يا حبيبتى، مصر يا حبيبتى

أمى يا حبيبتى، خطينا المحال

اترك رد

لن يتم نشر عنوان بريدك الإلكتروني.