(عمر فتحي ويسرا) يرفعان شعار: (إحنا فى الدنيا رحلة) في (سيدة الفندق)

كتب : أحمد السماحي

قيمة الفن الحقيقي هى فيما يقدمه هذا الفن للناس من متعة أو مضامين تعبر عنهم وتخدمهم، وترفع مشاعرهم، ومن المسلسلات الاجتماعية التى حققت هذا مسلسل (سيدة الفندق) المفعم بالجمال والحزن والشجن، والذي قدم في بداية الثمانينات ومازال يمتعنا عندما يعرض بقصته الإنسانية، وأغنياته التى سبقت عصرها، التى عندما نسمعها الآن نشعر أنها وليدة اليوم، المسلسل قصة (أحمد رشدي صالح)، سيناريو وحوار (عبدالحي أديب)، بطولة (كمال الشناوي، يسرا، أحمد مظهر، عمر فتحي، مها أبوعوف، كريمة مختار، سامي العدل، عبدالله فرغلي، نبيل بدر، أحمد غانم، سناء يونس، محمد شوقي) إخراج نور الدمرداش.

 تدور أحداث المسلسل حول (رندا) المهاجرة من السويس لإتمام تعليمها الجامعي في القاهرة، والتى تعيش في بيت المغتربات، وتعمل صحفية، يعود قريبها (محجوب عبدالدايم) المغترب من 20 سنة، ويتقابل مع زميل طفولته (حسن بسطا) الحائز على جائزة الدولة التقديرية والذي يصاب بيأس نتيجة الهزيمة والبيرقراطية، فينطوي على نفسه، ولكن (رندا) تحاول أن تخرجه من هذا، فيطلب منها أن تكون موديلاً له، وأثناء ذلك يقع في حبها، وفي نفس الوقت تقف (رندا)  بجوار الشاب (خالد) الذي خرج من الحرب محطماً، واستطاعت أن تعيد له توازنه النفسي وتتوالى الأحداث.

من الأشياء الجميلة في هذا المسلسل وجود مجموعة من الأغنيات التى تصلح كحكم أو مأثورات شعبية لقوة مضمونها، وقام بأدائها ببساطة وسهولة وعذوبة المطرب (عمر فتحي) بهجة الأغنية الشبابية ونجم الثمانينات الشهير، وشاركته فى اثنين منها النجمة (يسرا) هما (كل العالم حوالينا)، و(اللحظة الحلوة، حلوة، أو الكازوزة)، هذا الأسبوع فى باب (غلاف ألبوم) نتوقف عند أغنيات مسلسل (سيدة الفندق) التى قام بتأليفها الشاعر المبدع (عبدالرحيم منصور)، ولحنها ووزعها العبقري (هاني شنودة) وهى (كل العالم حوالينا، ناس قبلينا راحوا، أنا عايش مش عايش، الكازوزة، اندهي من قلبك، مواعيد.. مواعيد، استعراض (عزيزة ويونس).

قامت شركة (صوت القاهرة للصوتيات والمرئيات) بإنتاج أغنيات هذا المسلسل، وجاء كالعادة غلاف الألبوم فقيرا، ليس به مسحة من الجمال، رغم الكنز الذي يتضمنه هذا الألبوم، لكن ماذا نقول عن مسئولين موظفين ليس لهم علاقة بالفن ولا الجمال، والآن نتوقف مع بعض كلمات أغنيات المسلسل الذي كنت أتمنى من فرط جمالها أن أكتبها جميعا، وبالمناسبة كل أغنيات هذا المسلسل قام مطربيين حاليين بسرقة أفكارها وكتبتها من جديد:

كل العالم حوالينا

كل الحاجات اتغيرت في عيوني

مع إنها نفس الحاجات

كل الحاجات حواليا اتغيرت في عينيا

ولا أنا أتغيرت واتغيرت هى

فينك وفين زمان، وإحساسك فى الزمان

اتغيرت في عيونك الدنيا واتغير المكان

معدتش هى نظرتي للجمال

 ومعدش هو خيالي نفس الخيال

إحساس جديد، إحساس وليد

غيرلي لون الأمسيات، ولون الورد والذكريات

إحنا فى الدنيا رحلة، لازم في عيونا تحيا

 مهما كانت صغيرة

إحنا اللي ملك أيديها، نعيش ونحس بيها

نفتحلها قلوبنا وننور لياليها

وكل ما ليا إمبارح بتنور النهارده

 جوا قلبي اللي طارح جمال ومودة

ده إحنا فى الدنيا رحلة، لازم فى عيونا تحيا

إحنا اللي ملك أيديها نعيش ونحس بيها

كل العالم حواليا، إحساسي بيه بيكبر

كل الحاجات حواليا اتغيرت فى عينيا

ولا أنا اتغيرت واتغيرت هي

………………………………………

شموع تقيد:

شموع تقيد في كل عيد، وشموع بتتحرق

ياللا يا حبيبتي نفرح ده العمر بيتسرق

عيد ميلاد سعيد، في كل يوم جديد

نرجع ورا سنين، على طول متجمعين

نسعد كل الحبايب ونداوي كل حزين

شموع تقيد وشموع بتتحرق

عقبال مليون سنة وتدوق كل الهنا

ما نشوف في عيونك لا خوف ولا قلق

يا شموع اتدوري في عيونا نوري

وارقصي في قلوبنا أيوه، وبصي ودوري

يا عيني آه يا ليلي، الدنيا بتناديني الوعد فوق جبيني

والراحة في عيني، الليلة ميعاد، الليلة فرح

………………………………………

أنا عايش مش عايش:

أنا عايش مش عايش، أنا بكبر أو بصغر

مش هوا ده مكاني، والأمل اللي نداني

يا مكاني يا مكاني اهجرني وانساني

أنا مش عايش نفسي، هنا مش لاقي نفسي

أيامي بتسرقني، تشرقني وتغربني

وبتسرق أحلامي، وبتلعب بآلامي

إيه جابني هنا، وليه أصبح أنا

ناي محروم من الغنا، وقلبي بلا أمان

………………………………………

اندهي من قلبك:

اندهي من قلبك تلاقيني، ده عيونك سما بتغطيني

العالم يصغر في عيوني، من نظرة في عنيكي محتارة

بنودع ياما في مراسينا، ونقابل ياما ليالينا

ونقول للأحزان فارقينا، مش ناقصين حزن ولا مرارة

عديني على الرمش السارح، خديني لبكره من امبارح

والبحر معاكي بيسامح، وكمان الدنيا الدوارة

أشواقنا بتاخدنا في رحلة، أرزاقنا مع الصبر بتحلى

والرحلة صعبة أو سهلة، الرحلة مكسب وخسارة

طيري على الضحكة الصافية، أحزاني معاكي منسية

فرحتنا بطاقة شخصية، وقلوبنا المفتوحة أمارة

الدنيا سفينة في عنينا، بتسير في قلوبنا وأمانينا

ده نصيبنا شيئ ملك إيدينا، والعشاق فى الحب سهارى.

………………………………………

ناس قبلينا راحوا:

ناس قبلينا راحوا، وناس بعدنا جايين

وآدى الحياة ماشية، وأحنا معاها ماشيين

العمر فيها رحلة، يمضى فى غمضة

بتبدل الوردة، تفتح وردة تانية

ونحزن يوم بحاله، ونبتسم فى ثانية

ويصرخ الوليد، تنور الدنيا

وتلعب الطفولة، وتفرح بالسنين

هى الحياة كده، دموع فرح ندا

العمر فيها رحلة، تمضى فى غمضة عين

بالحضن يا حياة، مشوارى بقسمة أيوا

مش عارفين منتهاه، وأنتى فى عيوننا حلوة

كل هايعدى علينا، وهايجوا ناس بعدينا

ويعيشوا أحلى رحلة، فى أحضان الحياة

تنزل ورق الشجر، يخضر من جديد

 والليل يخفى القمر، يطلع قمر وليد

بتخلص ذكريات، وتبقى ذكريات

وتلعب الطفولة، وتفرح بالسنين

هى الحياة كده، دموع فرح ندا

العمر فيها رحلة، تمضى فى غمضة عين.